Odisha-ah Maoist hel 21 kap hlum

Odisha-a Malkangiri-ah nimin zing khan police leh Maoist helte inkapin, hel 21 kahhlum an ni a, police pahnihin hliam an tuar. An inbeihna hmun hi Andhra Pradesh ramri bul a ni.

Andhra Police-a Greyhound commando-te chuan Pathianni zan khan ramhnuaia Maoist meeting neihna hmun an bei a, an beih lai hian hel mi 50-60 vel an awmkhawm a ni. Police-te chuan Moaist hruaituten meeting an neih tur thu hi hrilhrutu an awm tih sawiin, an pan nghal tih an sawi. Pathianni zan aṭang khan ramhnuaiah hian helho dap hna hi thawh nghal a ni. Helho meeting neihna hmun aṭang hian silai leh a mu eng emaw zat an man a, AK-47 pathum pawh an man tel.

Malkangiri hi Maoist hel hluarna hmun a ni a, police-te chuan hel thi zingah hian an hruaitu hlunte pawh an tel an rin thu an sawi.