Tata Sons chairman Cyrus Mistry ban

Tata Sons chairman Cyrus Mistry chu ban a ni a, a aiawh lailawk turin Ratan Tata dah nghal a ni.

Board of Tata Sons chuan meeting an neih hnuah kum 48 mi, Mistry thlaktu atan kum 78-a upa, Rata Tata ruat a nih thu hi a puang a, Mistry ban a nihna chhan erawh a tarlang lo. Board hian Tata Sons chairman thar thlang tur hian member panga awmna, search committee a din nghal a, thla li chhung hun a pe. Committee member-ah hian Ratan Tata pawh ruat tel a ni bawk.

Tata Sons Board of Directors thutlukna siam chungchang hi Ratan Tata chuan Prime Minister Narendra Modi-a hnenah ziakin a thlen nghal a, hetihlai hian Mistry chuan chairman aṭanga ban anih vang hian Bombay High Court-ah zualko a tum nia sawi a ni.