PM-in National Tribal Carnival hmasa ber a hawng

Prime Minister Narendra Modi chuan nimin khan New Delhi-ah National Tribal Carnival hmasa ber a hawng a, he carnival hi ramchhunga tribal-te inpumkhatna tura buatsaih a ni.

Ni li awh tur tribal carnival-ah hian ram≠chhung hmun hrang hranga tribal artist 1,600 leh delegate 8,000 vel an tel dawn a, tribal culture hrang hrangte pho lan a ni bawk ang.

Carnival-a tel tur tribal artist leh delegate-te phur tur hian special train buatsaih a ni. Carnival hi Union Tribal Affairs Minister Jual Oram, Environment and Forest Minister Anil Madhav Dave, Minister of State for Tribal Affairs Jaswantsinh Sumanbhai Bhabhor, Minister of State for Health & Family Welfare Faggan Singh Kulaste, Minister of State for Agriculture Sudarshan Bhagat, Minister of State for Home Affairs Kiren Rijiju leh Minister of State for Steel Vishnu Deo Sai ten an hmanpui bawk.