India leh UK-in thawh dunna tur sawi ho

India leh UK chuan Thawhlehni khan India-UK foreign office consulation (FOC) leh bungraw thawn chhuah leh technology huanga thawh dunna tur atana in biakna neiin, thawh dunna tih chakna tur kawng hrang hrang chu ram pahnih aiawhte hian an sawi ho. He inbiakna hi FOC huanga ṭum 17 neihna a nih thu an tarlang bawk.

Inbiaknaa India aiawhte hi foreign secretary Vikram Misri-a'n a ho a, UK lam aṭanga telte hi Permanent Under-Secratry(PUS) Sir Oliver Robbins chuan a ho ve bawk. Inbiaknaah hian defence, security, firfiak pawl do letna leh green energy chungchang a thawh dunna tih chakna tur an sawi ho a ni.

Ram pahnihte hian India-UK free trade agreement leh thiamna in paizawn tawnna tur double contribution convention-ah te thawh dun an remti bawk tih Ministry of External Affairs (MEA) chuan an tarlang.

Thla hmasa khan free trade agreement neih an lo remti tawh a, hei hian ramchhung aṭanga thil thawn chhuahah India mite tan hlawkna 99% tel theihna tur a nih bakah, chhiah lak tih tlemna turin an inrem bawk. Heng bakah hian UK pawhin a thil siam chhuah, whisky, car leh thil danga hlawkna a tel theihna turin inremna siam fel a ni tawh bawk.

Misri leh Robbin kaihhruai team-te inbiaknaah hian kawng hrang hrang a ram pahnih inkar tih chakna turin sumdawnna, investment and financial sector, defence and security, counter-terrorism, technology, science, innovation, green energy, climate, health, education, leh ram pahnih mipuite inkar tih nghehna kawnga thawh dunna tur te sawi ho a ni.