Iran-a India mi 3 bote hmuh let an ni

India mi pathum, thla hmasa Iran tlawha zin chin hriat loha bo zuite chu hmuh an nih tawh thu India-a Iran embassy chuan Thawhlehni khan a puang. Chin hriat loha bote hi Punjab mi vek an ni.

Mi bo pathumte hi ruk bo ngei nia rin niin, hnathawh tur awm anga bum chhuah an nih a rinawm hle bawk. Amritpal Singh, Jaspal Singh, Husanpreet Singh te an ni a, chin hriat loha an awm thu hi May 11 leh 17 inkar khan hriat niin thuneitute hnenah hmalak pui tura thlen nghal a ni bawk. Australia-a hna ṭha tak thawh tur awm nia sawi bawh zuiin agent lem hmangin Iran-ah hian an kal a, Iran an thlen hnu hian biak pawp theih lohin an awm zui nghal niin an sawi.

An bo chungchangah hian Indian embassy chuan Iran lam chu hmalakpui turin an be pawp nghal a, embassy lam hian hmuh let an nihna tur hian rang takin hma an la chhunzawm nghal a ni. Hmuh let an nih theihna tur hian Consular Affairs Department, Iran Foreign Ministry leh dan lam thuneitute chu thawk hoin zawn beihpui hi uluk taka kal pui a nih thu Iran embassy chuan a tarlang.