NIA-in J&K-ah firfiak pawl dapchhuah beihpui thlak

National Investigation Agency (NIA) chuan nimin khan Jammu and Kashmir huam chhunga Pulwama, Kulgam, Shopian, Baramula, leh Kupwara district-ah firfiak pawl dapchhuah beihpui a thlak.

Dapchhuah beihpui thlak hi J&K huam chhungah firfiak pawl tana thawk, Over Ground Worker (OGW) te an awm nia hriat bawhzuia kalpui a nih thu official chuan an tarlang. Security force chuan OGW te hian fiarfiak pawl leh rawlrala chet chingte chu an chet laknaah kawng hrang hrangin an pui ṭhin niin an tarlang.

Pahalgam firfiak pawl beihna avanga mi 26 thihna thlen hnu khan India chuan nasa takin firfiak pawl tukdawl kawngah hma a la chhunzawm reng a, firfiak pawl mai bakah firfiak pawl thlawp leh Pakistan tana enthlak hna thawktu mi eng emaw zat man a ni tawh bawk.