Airline-te online booking la ti lo turin hriattir
Directorate General of Civil Aviation (DGCA) chuan ram chhunga airline-te chu online ticket booking la ti lo turin a hriattir.
Civil aviation minister Hardeep Singh Puri chuan domestic leh international flight operation khuahkhirhna siam mek tihtawp hun tur siam a nih hnuah chuan ticket booking hi kalpui turin a lo hrilh tawh bawk a ni.
DGCA in thuchhuah a siamah, ram puma lockdown hman mek chu May 3 thleng tur a ni a, hemi a tawp hnu May 4-ah pawh flight service phalsak nghal an ni dawn tih thurel engmah a la awm lo tih a sawi. Hei vang hian airline-te chu ticket booking la kalpui lo turin a ngen a, hna an thawh chhunzawm theih hun tur chu a hmain, an inbuatsaih lawk theihna turin hriattir an ni vek dawn a ni, a ti.
Airline ṭhenkhat chuan May 4 aṭanga service chhunzawm tur angin ram chhung bik atan booking an hawng tawh a ni. Hei vang hian hriattirna hi pek zui an ni ta a ni.