Ni khatah Covid-19 test nuai khat neih theih ICMR-in beisei
Indian Council of Medical Research (ICMR) chuan thla leh tawp lamah hi chuan ni khatah mi nuai khat chu Covid-19 test neih sak theih an beisei.
ICMR chuan ram chhung hmun hrang hranga laboratory-ah an test theih zat a pung ve zel tih sawiin, hetianga hma an sawn chho zel a nih chuan ni khatah nuai khat enchhin theih thuai hi an inbeisei a ni.
Tuna kan dinhmun ai hian hma an la sawn zel dawn tih an sawi a, manpower, resource leh infrastructure thuam ṭhatna turin regional depot 16 an din mek tih an sawi.
Depot an din mek National Institute of Malaria Research (NIMR), New Delhi leh National Institute of Virology, Pune-te pawh central depot-a hman theih thuai a ni dawn tih an tarlang bawk.
Regional depot-te hi central depot aṭanga stock dawngtu tur an ni a, ICMR kaihhruaina hnuaiah lab-level-a repackaging leh state-level consignment-te chu an hna a ni.