Congress president-ah Rahul Gandhi dah thuai dawn

Congress party hruaitu hlun, Ambika Soni chuan an party vice president ni lai, Rahul Gandhi chu party president-ah hlankai a ni thuai dawn tih a sawi a, a hun tur erawh a sawilang lo.

Ambika Soni chuan Rahul Gandhi chuan a nu, Sonia Gandhi chu a thlak dawn tih a chiang tawh niin a sawi. Rahul Gandhi hi party vice president bakah Indian Youth Congress leh National Students Union of India chairperson a ni bawk. Mahse chanvo pawimawh chelhtir a nih hnua kum 2014 Lok Sabha inthlanpui neihah Congress party a che chhe hle a, inthlanpui neih hmasaah seat 206 an lak laiin, 2014 inthlanah hian seat 44 chauh an la pha a ni.