New Zealand PM a rawn zin

New Zealand Prime Minister John Key chu ni thum cham turin Thawhlehni khan New Delhi a thleng a, nimin khan Prime Minister Narendra Modi nena an inkawm.

India-in Nuclear Suppliers Group (NSG)-a tel tura a beihnaah New Zealand hi a thlawptu ram zingah a tel a, nimina PM nena an inkawmnaah pawh hei hi an sawichhuah rin a ni.

John Key hi Thawhṭanni khan Mumbai rawn thleng tur a ni a, mahse a chuan-na thlawhtheihna khawl lamah harsatna a awm avangin Mumbai a kal tur hi ṭhulhin, Thawlhehni khan Delhi-ah a
ṭum ta zawk a ni. Delhi bakah hian Kochi a tlawh bawk ang.

Vawiin hian Kochi-ah kalin, Cochin International Terminal thar a tlawh dawn a, New Zealand company, Glidepath hnathawh mekte a en dawn a ni. Key hi New Zealand parliament member, Forign Affairs, Dfence and Trade Select Chommittee chairman Mark Mitchell leh MP Kanwaljit Singh-te'n an
ṭawiawm a ni.