President leh Vice President hlawh tihpun rawt

President leh Vice President-te hlawh chu 300% in tihsan tum a ni.

Union Home Ministry chuan ram hruaitu pa-hnihte hlawh tihsanna tur hian proposal a siam mek a, union cabinet hma-ah pharh thuai a ni ang.

President hian thla khatah cheng nuai 1.50 a hlawh mek a, Vice President-in cheng nuai 1.25 leh state Governor-te'n cheng nuai 1.10 an hlawh a ni. An hlawhbi siamṭhat rawtnaah hian President hlawh hi thla khatah cheng nuai 5 leh, Vice President hlawh cheng nuai 3.5-ah tihsan rawt a ni.

7th Pay Commission-in sorkar hnathawhte hlawhbi a siamṭhat hnuah khan President hlawh hi Cabinet Secretary hlawh aiin cheng nuai khatin a tlem a, hei vang hian president hlawh siamṭhat rawtna hi a awm nghal a ni. 7th Pay Commission hnuaiah Cabinet Secretary hian thla khatah cheng nuai 2.5 a hlawh a, sorkar laipuia Secretary-in cheng nuai 2.25 a hlawh bawk.

Cabinet-in bill hi a pawmpui hunah Parlia-ment-ah pharh a ni dawn a, Parliament thlasik ṭhuthkhawmah pharh hman beisei a ni.

President, Vice Pre-sident leh Governor-te hlawhbi siamṭhat hnu-hnun ber chu kum 2008 kha a ni. Kum 2008 thleng khan President hlawh hi thla khatah Rs 50,000, Vice President hlawh Rs 40,000 leh Govenror hlawh Rs 36,000 a ni ṭhin.