Europe tlawhin EAM a zin

External affairs minister S Jaishankar chuan ni sarih chhung chama Europe tlawh turin nimi nkhan a zin chhuak. France leh Belgium ram a tlawh dawn bakah, European Union hruaitute a kawm nghal dawn a ni.

India leh France hi kum 25 chhung ṭhianṭha lo ni tawhin, Jaishankar hian Paris leh Marseille a tlawh dawn a, he hunah hian ram pahnih thawh dunna tur chungchangah France foreign minister Jean Noel Barrot nen an in kawm dawn a ni. Marseille -a Mediterrannean Rasina Dialogue hawnnaah a tel nghal bawk ang.

Jaishankar hian European Commission leh European Parliament hruiatute a kawm dawn bawk.

Belgium-ah an ram deputy prime minister leh foreign minister ni bawk Maxime Prevot nen in kawmin economic tih hmasawnna kawnga ram pahnih thawh dunna tur leh tih ngehna tur hrang hrang an sawi dun ang. Belgium rama India mi awmte a hmu dawn bawk a ni.

Ministry of External Affairs chuan Jaishankar zinna hian India-in EU, France leh Belgium te inlaichinna a neihpui chu thuk zawk leh, kawng hrang hranga an thawh ho tawh mekna pawh a tih chak phah ngei an beisei tih an tarlang.