J&K-ah JeM firfiak pahnih man

Jammu and Kashmir-a Baramulla hmunah Ningani khan Pakistan firfiak pawl, Jaish-e-Mohammad member pahnih mamn an ni.

Firfiakte hi 46 Rashtriya Rifles leh Special Operation Group-te'n joint operation an neihnaah an man a, an kut aṭang hian AK-47, pistol leh a mu, Under Barrel Grenade Launcher leh UBGL grenade-te an man tel.

Ningani zan khan RS Pura leh Arnia sector-a international border-ah Pakis≠tan leh India sipaite inkap lehin, BSP chuan Pakistan sipai pakhat kaphlumin, pakhat an kap hliam niin an sawi. Nilaini khan Pakistan sipaiten ramria Indian post leh civil mite chenna an beihnaah sipai pakhat a thi a, civil mi parukin hliam an tuar bawk.

BSF official chuan Ni≠ngani zana sipaite inkahnaah Pakistan sipai hliam tuar hi Pakistan Rangers-te chuan motor-in an hruai≠chhuak niin a sawi. Ni≠ngani zan vek khan Pakistan sipaite chuan Rajouri district-a Sunderbani sector-ah LoC-ah ram pahnih≠ten inkahhai an puan chu palzutin silai an hmetpuak bawk a, India sipaite chuan an kap let ve nghal a ni.