OROP scheme kalpui nan Rs vbch 5,500 pechhuak

Prime Minister Narendra Modi chuan sipai bangte pension pekna dan thar, One Rank One Pension (OROP) scheme kalpuina tura a thawh khatna atan cheng vaibelchhe 5,500 pek chhuah a nih thu a sawi.

PM Modi chuan, "OROP hi Rs 200 emaw, Rs vaibelchhe 500 vel chungchang ringawt a ni lo a, cheng vaibelchhe 10,000 zet a ngai dawn a ni. PM ka nih khan he scheme hi kalpui ngei ka tum a, mahse sorkar tan chuan ṭum khatah pek chhuah vek theih a ni lo. Sipai bangte hnenah thawh li-a pekchhuah min remtih sak turin ka ngen a ni. A thawh khatna atan cheng vaibelchhe 5,500 chu pek chhuah phawt a ni" a ti.

Modi chuan OROP scheme chungchangah sorkar hmasaa mi ṭhenkhatten an hriatchian loh avangin kum 40 tihkhawtlai a ni a, hei bakah hian he scheme atan hian cheng vaibelchhe 500 chauh an ruahman bawk niin a sawi.