Kerala Day lawmnaah larsap sawm lo

Kerala-a CPI(M) kaihhruai LDF sorkar chuan nimin khan Kerala Day vawi 60-na lawmna a buatsaihah a, state Governor P Sathasivam chu sawm a ni lo a, hei hian sawizui a hlawh hle.

Chief Minister Pinaryai Vijayan-a chuan Assembly complex, Thiruvananthapuram-a lawmna inkhawma thu a sawiah, Governor sawm a ni lo chu protocol thil vang a ni tih a sawi a, sorkar chuan Governor chu a theihnghilh lo a ni, a ti.

Governor sawm a nih loh chhan sawifiahin CM chuan, "Governor sawm a nih chuan stage-ah mi tlemte chauh an ṭhu thei dawn a ni. Mahse tunah chuan field hrang hrang aiawh mi 60 chuangte stage-ah hian an ṭhut theih phah a ni" tiin, state hotu lu ber Governor sawm a nih loh chhanah zawhna hrang hrang an dawn thu a sawi. Mahse state assembly-in function an buatsaih tur chungchang hi eptu hruaitute nen pawh an sawiho vek niin a sawi.

"A tirah chuan Governor sawm hi kan rel a, mahse Governor sawm a nih chuan mi tlemte chauh sawmbelh theih a nih dawn avangin kan ngaihtuah ṭha leh ta a ni", a ti.