Pakistan-in a official pali-te ko haw mai thei

Pakistan tana enthlatua puh leh defence thuruk a lei lai man a nih avangin, India rama Pakistan High Commission official, Mehmood Akhtar chu hnawhchhuah a ni a, Pakistan chuan High Commission-a a official dang pali pawh koh haw a tum nia sawi a ni.

Mehmood Akhtar hi man a nih hnuah police-te'n thu an zawhfiah chungchanga thuchhuah siamah, Pakistan official pali dangte hming hi a lang a ni. Hei vang hian heng officer leh an chhungte, New Delhi-a awm mekte chuan din≠hmun hrehawm tak an tawh phah a, hei vang hian Pakistan sorkar chuan an rama koh haw dan tur a ngaihtuah mek a ni.

Pakistan official-te chuan police-te'n an hming an puanzar hnu hian an fate thlengin harsatna an tawk a, an school kalnaah zirlai dangten an deuhsawh tih an sawi. Hetianga official hmingte tarlan a ni hi ram pahnihte inkar boruak tihchhiat zualna nia an ngaih thu an sawi bawk.