MHA-in Punjab leh J&K puihna tur ruahman belh

Union Ministry of Home Affairs (MHA) chuan Operation Sindoor kalpui a nih hnuah Jammu and Kashmir huamchhunga Pakistan beihna vanga in leh lo chhia 2,060 din thar lehna turin Rs vbc 25 a ruahman belh. Pakistan beihna tuartu dang, Punjab tan pawh ruahmanna siam a nih thu a tarlang bawk.

MHA-in he thu a puan hma hian prime minister Narendra Modi chuan Pakistan beihna vanga in leh lo chante tan zangnadawmna siam belh a nih tur thu a lo sawi lawk tawh a ni. PM chuan in kahchhiatsakte chu zangnamdawna Rs nuai 2 leh, a ṭhenlai chhiate chu Rs nuai 1 pek an nih tur thu a sawi.

Union home minister Amit Shah chuan May 29 leh 30 khan Poonch tlawhin, ramri pela inkahna chhuak vanga nunna chan chhungte hnenah compassionate ground-a sorkar hna pekna, appoinment letter pawh a hlan nghal bawk.

Pakistan-in ramri dep state te a beihna vang khan mi nuai 3.25 te chu hmun him lamah sawn chhuah niin, heng zinga mi 15,000 te chu accomodation center leh schelter shed 397 ahte an awm. J&K a ramri hnaih district aṭang pawhin chhungkaw za chuang chuan harsatna an tawk bawk a ni.