Rapid test kit hmang lo turin ICMR-in hriattir

Covid-19 hri kai leh kai lo enfiahna chak chi, rapid test kit chu hmang rih lo turin Indian Council Of Medical Research (ICMR) chuan state-te a hriattir.

Sorkar laipui hma­laknaa state-te hnena he rapid test kit nuai nga vel thawnte hi a ṭhat tawk loh thu leh felhlel a awm tih ICMR chuan a tarlang a, hemi chungchanga thu kimchang chu ni hnih hnuah an tarlang dawn tih ICMR epidemiology head Dr Raman R Gangakhedkar chuan a sawi. 

Rajasthan, West Bengal leh state dang aṭangtein he rapid test kid hi sawisel a ni a, hei vang hian ICMR lam  test kit hi hmang rih lo turin a hriattir ta a ni. Ni hnih hnuah test kit dang thawn leh turin ICMR chuan ruahmanna a siam mek. Heng rapid test kit-te hi ramchhunga hri darh nasatna hmunah bik thawn a ni.