AI chesualah thi ruang 159 an chhungte hlan tawh

Air India thlawhtheihna, June 12-a Ahmedabad-a chesuala thi ruang 270 zinga 190 chu DNA hmanga finfiah an ni tawh a, ruang 159 chu an chhungte hnenah hlan an ni tawh niin nimin khan official-te chuan an sawi.

Thuneitute chuan chhiatna thlenna hmuna ruangte hi an kan chhiat nasat avangin DNA test loh chuan an nihna hriat a harasat thu an sawi. Ahmedabad Civil Hospital medical superintendent Dr Rakesh Joshi chuan DNA finfiah hna chu kal pui chhunzawm zel a nih thu thuthar lakhawmtute a hriattir bawk. DNA finfiahna hi Forensic Science Laboratory (FSL) leh National Forensic Sciences University(NFSU) te bultuma neih a ni. Chetsualna thleng vanga hliam, damdawi-in dah luh mi 71 zinga mi 42 chu dam taka chhuah tir an ni tawh bawk.

Air India thlawhtheihna chetsualna thlen hnuah khawvel hmun hrang hrangah thlawhtheihna thlawk tur chungchangah in sawiṭhaihna leh in tih derna hrang hrang pawh a tam zui hle.