Maoists-ten civil mi 3 kaphlum

Chhattisgarh-a Peddakorma thingtlang khuah nimin, Nilaini zing lam khan Maoists helpawl nia hriat ten civil mi pathum an kap hlum a, mi dang eng emaw zat an ru bo bawk niin police-ten an tarlang. Hei hi tun hnaia security force-ten an mi leh sa eng emaw zat an thahsak an chhanletna nia rin a ni.

Maoists-in mi pathum an thahte hi police kuta inpe tawh, Naxal commander Dinesh Modium chhungkhat hnaivai an nih thu police chuan an tarlang. Divisional Committee Member (DVCM) Dinesh Modium hi CPI(Maoist) pawla nihna a chelhte aṭangin thla eng emaw zat liamta khan bangin police hnenah a in pe a ni.

Nimin zinga in kahna thlengah hian Maoists mi pathum kah hlum an ni bawk a, an zingah hian CPI (Maoist) Central Committee member Gajarla Ravi leh State Zonal Committee member Ms. Aruna-te an tel.Thla 17 liamta chhung khan Bastar zone ah hian Maoists 400 chuang thah an ni tawh a ni.