India-Croatia defence huanga thawh dunna tur ruahman

Ram pathum tlawha zin chhuak, prime minister Narendra Modi chuan Nilaini khan Croatia thlengin, an ram prime minister Andrej Plenkovic nen defence huang a hun rei tak thawh dunna neih dan turte an sawi dun. Modi hi India PM zinga Croatia tlawh hmasa ber a ni.

Hruaitu pahnihte hian defence bakah ram pahnih inkar tih ngheh zualna tur hrang hrangte an sawi dun bawk. Van thengrenga India-Crotia thawh dunna turte pawh an sawi tel. An inkawmnaah hian external affairs minister S Jaishankar, national security adviser Ajit Doval leh foreign secretary Vikram Misri te pawh an tel. Agriculture, culture, leh science lama thawh dunna tur memorandum pali an ziak nghal bawk.

Modi hian PM Plenkovic a kawm bakah president Zoran Milanovic pawh a hmu bawk a ni.