Sorkarin inbiakna nei turin loneitute sawm leh

Sorkar laipui chuan farm law duh lohna lantira nawrh huaihawt, loneitute chu inbiakna nei turin a sawm leh a, Nilaini tlai dar 2-ah inremna kawng zawngin an inbe leh ang. 

Hei hi loneitu pawlten thla khat chuang nawrh an huaihawt hnua sorkar laipui nena an inbiak ṭum rukna tur a ni. A hmain inbiakna hi lo nei tawh ṭhin mah se, an ṭanna lam an thlak danglam duh loh ve ve avangin inremna an siam thei lo a ni. 

Loneitu lam hian sorkarin farm law pathum a siam tharte hi sut leh vek turin an phut a, mahse sorkar lam chuan heng dante siamte hi sut a tum tawh lo a, a ṭul dan anga siamṭhat erawh a inhuam tih a sawi thung.