PM -in Bihar-ah project 28 hawng

Prime minister Narendra Modi chuan nimin Zirtawpni khan assembly inthlan hmabak, Bihar-a Siwan district huam chhunga hmasawnna hna thawhna tur project 28, Rs vbc 5,900 chuang hu a hawng. Vaishali Deoria railway line project thar Rs vbc 400 chuanga siam a hawng nghal bawk.

Modi hian vantlang hmaa thu a sawiah eptu party pahnih Congress leh Rashtriya Janata Dal te chu Bihar hmasawnna daltu an nih thu sawiin, heng party-te hi Bihar huamchhunga misual, pawikhawih ching, leh hlemhletna ti hluartu niin a puh bawk. Heng party hnuaiah hian Bihar-ah hmasawnna a awm theih loh thu bakah, tualchhung mi hrang hrang mi rethei, dalit, mahadalit, EBC leh OBC te chuan an chanpualte nasa takin an chan loh phah bawk niin a sawi bawk

PM hian kumin January 1 aṭangin Bihar hi ṭum li a tlawhna a ni a, Bihar-ah hian kumin October-November hian assembly inthlan neih a ni dawn a ni.