ECI-in Kapil Mishra insawifiah turin hriattir

Delhi inthlana Bharatiya Janata Party (BJP) ticket-a ding tur Kapil Mishra chuan Ningani khan a twitter-ah, February 8-a Delhi Assembly inthlanna neih tur chu India leh Pakistan inthlanna a ni dawn tia a tarlan avangin, Election Commission of India (ECI) chuan a thil post chungchang chu darkar 24 chhunga sawifiah turin a hriattir.

Hemi chungchang hi Delhi Chief Electoral Officer-in ECI hnenah a thlen a, January 14-a ECI-in 'Model Code of Conduct' a puan tawh chu Mishra hian a pawisa l niin, Aam Aadmi Party (AAP) chuan an sawi. January 22 khan AAP chuan Model Town constituency-a BJP ticket-a ding tur Kapil Mishra hi a nomination pawmsak tawh chu hnawl turin leh candidate aṭanga paih thla turin EC chu an ngen.

Mishra chuan a thil post chungchangah hian thuchhuah siamin, Delhi khaw chhungah hian Pakistan awm hmun khuarna tam tak a awm a, chung zinga veng ṭhenkhat- Shaheen Bagh, Inder Lok leh Chand Bagh-te chu Pakistan mi leh sa tamna a ni. Helai hmunahte hian CAA duh loh vanga nawrhna thleng chuan kalkawnga kal turte tan harsatna a thlen bakah, school naupangte tan ralmuan lohna a thlen a ni, tiin a sawi.