NSA Ajit Doval leh Russia Security Council Dy Secretary in kawm

National Security Adviser (NSA) Ajit Doval leh Russia Security Council Deputy Secretary Aleksandr Venediktov te chu nimin Thawhlehni khan Beijing, China-ah inkawmin India-Russia Special and Privileged Strategic Partnership hnuaia rampahnih te thawh dunna tih hmasawnna tur chungchang an sawi.

Doval leh Veneditovk-te hi Shanghai Cooperation Organisation (SCO) Security Council Secretaries meeting vawi 20-na, Beijing-a neihah telin, meeting karlakah an inkawm tih Beijing-a Indian embassy chuan a tarlang.

Hruaitu pahnihte hian India leh Russia thawhdunna a harsatna awmte, mahni ram chhung leh international nghawng thei thil chi hrang hrangte an sawi dun. Venediktov chuan Doval chu Russia-ah inbiakna neih leh hmasak ber turah lo dawnsawn an in peih thu a sawi lang bawk.

SCO meeting-ah hian ramri kana rawlrala chetna dodal a pawimawh thu Doval hian uar taka sawiin, SCO Regional Anti-Terror Structure (RATS) chu hetiang kawnga harsatna hmachhawnna atana tih a nih thu te tarlan a ni bawk. Meeting-ah hian ram 10, Russia, China, India, Iran, Pakistan, Belarus, leh Central Asia ram pali aiawhte an tel a; sumdawnna, energy, leh geopolitic bakah thawhna zual zelin a nghawng chungchangte sawi ho tum a ni.