UP sorkarin tuichhe paihna ti faia thi chhungte hnenah Rs nuai 30 pe dawn

Uttar Prades sorkar chuan Vrindavan khuaa tuichhe paihna tih fai hna thawktu (Sanitation Worker) pahnih, Inrinni liam taa an hna thawhnaa boruak hlauhawm (toxic gas) an hip luh vanga thi chhungte hnenah zangnadawmna, Rs nuai 30 ve ve pek an nih tur thu a puang. He zangnadawmna pek tur hi Supreme Court-in pek tur a bithliah chin hniam ber a bituk a nih thu municipal commissioner chuan a sawi.

Tuichhe paihna tih fai hna an thawh vanga thi pahnihte hi Narendra (38) leh Chhotelal (40) te niin, mi mal guesthouse-a tuichhe paihna tank ti faia chhawr an ni. Contractor Amit-an a rawih niin guesthouse manager Hemant a ngenna vanga he hna hi thawh a ni bawk.

An hna thawhnaah hian himna atana kaihhruaina siamte chu zawm a ni lo a, hei vang hian nunna hial chan a nih phah niin official chuan an tarlang. Thi pahnihte hi Municipal Corporation hnuaia chhawr an ni lo tih chu Commissioner chuan a sawi bawk.

He thihna thleng vang hian an chhungte leh pawl hrang hrang chuan zangnadawmna Rs vbc khat pek an phut a ni. Commissioner chuan guest house neitu leh contractor te chu tualthahnaa in hnamhnawih anga thubuai siam sak an nih thu leh chhuichianna zau zawka kalpui a nih thu a tarlang.