Iran leh Israel aṭangin India mi hruai haw belh

Iran leh Israel buaina zual zel vanga India-in a khua leh tuite hruai haw beihpui thlakna a neih mekah, nimin Thawhlehni khan Iran aṭangin mi 292 leh Israel aṭangin mi 366 hruai haw belh an ni. Operation Sindhur kaltlangin heng ram pahnih aṭang hian India mi 2,295 hruai kir an ni tawh a ni.

India mite hruai haw beihpui, 'Operation Sindhur' hi kar hmasa aṭang khan kalpui ṭan a ni. Hruai haw hnuhnung ber, India mi 292 te chu special flight-in Mashhad aṭanga New Delhi airport-ah rawn thlenpui an ni a, external affairs ministry thupuangtu Randhir Jaiswal in a lo dawngsawng a ni. Indian Air Force sipai thlawhtheihna, C-17 hmangin Israel -a cheng India mi 165 chu hruaikir an ni bawk a, anni hi union minister L Murugan in a lo dawngsawng ve thung.

Ram pahnihte inbeihna avanga India mi hruai kir hmasak ber hi Zirtawpni liamta khan neih niin mi 290 hruai kir an ni a, a thawh hnihna Inrinni khan mi 310 hruaikir belh an ni bawk.