Rajasthan assembly- in CAA duh lohna resolution pawm tum

Nimin aṭanga ṭan Rajasthan assembly session neih mekah vawiin hian Citizenship Amendment Act (CAA) duh lohna resolution chungchang ngaihtuah a ni dawn a, assembly-a rorel lai Congress party chuan resolution hi pass an tum hle. 

Ningani khan Cong­ress party chuan an state MLA zawng zawngte chu session-ah hian kim taka kal turin an ngen a ni. Rajasthan Congress president leh deputy chief minister nilai Sachin Pilot chuan, "Kerala leh Punjab-in CAA duh lohna resolution an pass tawh chu, keini pawhin pass ve kan tum dawn a ni," tiin thuthar thehdarhtute hmaah a sawi. January 28 hian Jaipur-ah CAA duh lohna lantirna 'Yuva Akrosh' rally buatsaih tum a ni a, he hunah hian Congress hruaitu hlun Rahul Gan­dhi pawh a tel rin a ni. "Kan constitution chuan nawrh huaihawt turin mipuiteah zalenna a pe a, mahse mipuiin nawrh an huaihawta, sorkar chuan ram leh hnam phatsantuah a puh thung si!" tiin Pilot chuan CAA dotute laka sorkar chetdan a dem thu a sawi a ni.