SIMI leh police-te inbeih lai audio clip tichhuak MP sorkarin a chhui chiang dawn

Madhya Pradesh police-teín Bhopal Central Jail aṭanga SIMI hel pariat tlanchhuakte an umzui hnuaa, an kahhlum vek chungchang chuan sawi≠zui a hlawh hle. Police-teín helte an kaphlum lai audio clip tihchhuah a nih hnuah, state sorkar chuan he inbeihna thlen dan hi chhui chiang turin thupek a tichhuak.

Audio clip tihchhuah thar hi helho hmachhawntu police leh police control room-a an hotute inbiakna a ni. An inbiaknaah hian walkie-talkie a police te inbiaknaah, ëTihlum vek ang che uí tia an sawi ri pawh a lang. Helho nena inhma≠chhawn police-te hian an hotute hnen aṭangin hel pariatte kahhlum phalna hi an hmu a ni.

SIMI hel pariatte hi jail aṭanga an tlanchhuah hnuah, police-teín umzuiin Bhopal khawdaiah an um pha a, helho hian silaia lo kapin police-te nen hian an inkap zui a, hel pariatte chu an kahhlum vek niin an sawi. Hetihlai hian mi ṭhenkhat chuan helho hian ralthuam an nei lo a, police-te hian hnai tak aṭangin an kaphlum niin an sawi thung. Eptute pawhin he thil thleng chungchang hi chhui chian an phut thu an sawi.

Madhya Pradesh Chief Minister Shivraj chuan SIMI helte beih an nih dan hi chhui chian a ni dawn tih a sawi a, judicial enquiry hi Justice SK Pandey (retired) kaihhruai hnuaiah neih a ni ang.