Naupai laite enkawlna tur scheme tlangzarh

Sorkar laipui chuan sorkar damdawi-in leh health centre-ah nu, naupai laite a thlawna enkawl an nihna tur scheme a siam chu nimin khan a tlangzarh.

Pradhan Mantri Surakshit Matritva Abhiyan (PMSMA), ëI pledge for 9í tia sawi hi Prime Minister Narendra Modi chuan kum≠in June 9-a radio prog≠ramme, Maan Ki Baat a hman ṭumin a lo sawi tawh a ni. Private sector-te chu thla tin ni 9-naah, nu naupai laite chu ante-natal services (ANC) a thlawna pe tura ngen an ni.

Radio-a thu a sawiah, PM chuan ramchhunga doctor zawng zawngte chu nu leh naupiang hlimte chhanchimna atana ni 12 hun pe ṭheuh turin a ngen bawk.

India ramah hian minute 12 danah naupai pakhat thi ang a ni a, kum tinin naupai lai 45,000 an thi a ni. Heng zinga 19.7% chauhin pre-natal health check an nei a ni.

Health secretary CK Mishra chuan scheme tharin a tumber chu, nu naupaite enkawlna leh hamṭhatna pek a ni tih a sawi a, a tam thei ang ber enkawlna pek ringawt chu an tum a ni lo a, enkawlna ṭha thei ang ber pek an tum tih a sawi.