Pathankot beih report vangin NDTV hrem

Sorkar laipui chuan NDTV Hindi channel chu, kumin January thlaa Pakistan firfiakten Pathankot air base an beih chungchanga thuruk pawimawh tak puangzara puh an nih avangin ni khat chhung khar tir an ni dawn.

Information and Broadcasting mi≠nistry hnuaia inter-ministerial committee rawtna siam angin sorkar laipui chuan thupek hi a tichhuak a ni.

I&B Ministry chuan Cable TV Networks (Regulation) Act hmangin NDTV India channel chu November 9, 2016 hian zing dar 12:01 aṭanga a tuk, November 10 zing dar 12:01 thleng khar turin a ti. Hei hi ramchhunga firfiakte chetdan chungchang tarlan vanga TV channel laka action lakna hmasa ber a ni. Mahse NDTV chuan sorkar thupek hi tribunal-ah a appeal thei ang.

NDTV Hindi channel-ah hian Panthankot beih chungchangah information pawimawh tak a tarlang a, hei hi firfiakten an lo hmuh chuan ram himna bakah, civil mi leh defence mite tan pawh a hlauhthawnawm theiniin an sawi.

Sorkar thupek tihchhuah chu sawisel≠in, NDTV chuan he thila an mahni chauh thur chhuah an ni chu mak an tih thu an sawi. TV channel leh chanchinbu hrang hrang pawhin Pathankot beih chungchang hi an tarlang a, NDTV in a tihchhuah chu a khairual ber zawk nia an ngaih thu an sawi a, sorkar chu a thupek sut tura an phut thu an sawi bawk.