Ramchhung Lawrkhawm

Voter-te’n candidate qualification hre turin dikna nei

Supreme Court chuan voter-te chuan in≠thlanna chuh tum candidate education qualification hre turin dikna an nei a ni, a ti. Hei hian candidate-te chu an zirna chungchangah dawt an sawi tur a ven phah niin a sawi bawk.

Justice Anil R Dave leh Justice L Nagewara Rao awmna bench chuan, ìVoter tinte chuan candidate educational qualification hre turin dikna an nei a ni. Candidate-te chuan an paper thehluhah an educational qualification chu dik takin an ziak tur a niî, a ti.

Patiala House Court-in Mallya manna thupek tichhuak

Patiala House Court chuan nimin khan sumdawng lian, bank loan tam tham tak ba mek Vijay Mallya-a bail theih loha manna tur thupek a tichhuak.

August thla khan court chuan Mallya hi November 4-a court-a inlan turin a lo hriattir tawh a ni. Mahse nimin khan Mallya hi court-ah a inlan lo a, court chuan India rama rawn kir tumna a nei lo nia sawiin, non-bailable warrant a tichhuak ta a ni. Mallyaín India rama kir chu a duh a, mahse a passport hnawlsak a nih vangin a kir thei lo nia a sawi chu thu dik lo a nih thu court chuan a sawi.

Jaya-i private room-ah sawn dawn

Tamil Nadu Chief Minister J Jayalalithaa-i chu hun rei tak Chennai-a Apollo Hospital-a Critical Care Unit (CCU) ah enkawl a nih hnuin, hma a sawn zel avangin private room-ah sawn ani thuai dawn.

Tamil Nadu-a rorel lai, AIADMK hotu leh thupuangtu C Ponnaiyan chuan a party hotu lu ber leh CM, Jaya-i chu a dinhmun a hlauhthawnawm tawh lo a, a thawkna lamah harsatna a neih pawh a ziaawm sawt hle niin a sawi. Kar kalta chhung chu chaw tuiril lam pawh a ei tawh a, midangte pawh a be peih tawh niin a sawi.

Kum 68 mi, Jaya-i hi khawsik sang leh dehyrdation vangin September 22 khan Apollo Hospital-ah dah luh a ni a, a dinhmunin ṭhat lam a pan mai loh avangin a hriselna chungchangah pawh social media lamah thu dik lo an thehdarh nasa hman hle.