Boruak bawlhhlawh vangin Delhi-ah school khar dawn

Delhi Chief Minister Arvind Kejriwal-a chuan boruak bawlhhlawh vangin Delhi khawpui chhunga school zawng zawng chu ni thum chhung khar a ni dawn tih a sawi. Boruak bawlhlawh tihziaawmna tur kawng khat atan sorkarin motor number kawpkim leh kawpkim lo a tlanchhawk tir ṭhin pawh hman leh a ni mai thei tih a sawi.

Khawpui huam chhungah ni nga chhung atan in sak leh ṭhiah hna thawh khap a ni a, hemichhung hian kawngpuite chu tuia phuh huh an ni ang a, bawhhlawh halte chungah na taka action lak a ni bawk ang. Mipuite chu a theih anga in lam aṭanga hna thawk turin ngen an ni.

CM Kejriwal-a hian khawpui chhung boruak bawlhlawh dante thlir≠in, nimin khan a chenna inah cabinet emergency meeting a ko a, meeting-ah hian cabinet minister-te an tel kim vek a, health and environment department senior official-te an tel bawk.

Nimin vek khan khawpui chhung boruak bawlhlawh zel veng zo loleha, boruak tihziaawmna tura hma la ṭha tawk loah sorkar puhin, mi eng emaw zatin Jantar Mantar-ah lungawi lohna an lantir. Nawrh hi Delhi-a citizen group hrang hrang huaihawt a ni.

Kerjiwal-a chuan Delhi khawpui chu ëgas chamberí tia sawiin, Diwali lawm a nih aṭanga meikhuin khawpui chhung a bawh reng tihziaawm a nih theih nan sorkar laipui chu inrawlh turin a ngen bawk.

Kar kalta Inrinni khan Delhi khawpui boruak bawlhlawh lam hi mihring tana him chin nia bithliah aiin, a let 17 zetin a sang zawk. Chhum leh boruak khuin a bawh nasat vangin meter 200 chin bak a hmuh theih lo a, chak taka hma lak thuai a nih loh chuan boruak bawlhlawh hi a zual zel dawn niin India Meteorological Department chuan a tarlang.