Ni hnih cham turin Sri Lanka President a rawn zin

Sri Lanka President Maithripala Sirisena chu ni hnih cham turin nimin khan India ramah a rawn zin a, New Delhi-a anti-tobacco global confe≠rence neihah a tel ang.

President Sirisena hi WHO Framework Convention on Tobacco Control-ah a tel dawn a, he hunah hian ram 180 aiawh bakah pawl hrang hrang aiawhte an tel dawn a ni. Sri Lanka President hi vawiin-a convention hawnnaah special speaker a ni ang.

Sirisena hi an rama sorkar hmasaah Minister of Health niin, vaihlo khuahkhirh thlawptu a ni a, thuneihna a chan chhung hian cigarette packet kawmah vaihlo hlauhawmzia a lem nena tarlanna tur dan pawh hlawhtling takin a siam a ni.

Sri Lanka President hian President Pranab Mukherjee pawh a kawm dawn a, ram pahnihte inlaichinna ṭha zawk siam dante an sawi dun ang. Sirisena hian thla hmasaa Goa-a BRICS leh BIMSTEC meeting denchhen khan Prime Minister Narendra Modi pawh a lo kawm tawh a ni.