Jammu & Kashmir ramri-ah Pakistan sipaiten India sipai pakhat kap hlum

Jammu and Kashmir-a Poonch sector-a Lines of Control-ah nimin zing khan Pakistan sipaite chuan inkahhai thuthlung bawhchhiain silai an hmetpuak leh a, India sipai pakhat an kah hlumbakah civil mi pakhatin hliam a tuar.

Nimin zing khan Pakistan sipaite hian mortar hmangin Poonch district-a Krishna Ghati leh Mendhar sector-a LoC-a Indian post-te chu an kap a ni. Pakistan sipaite hian 22 Sikh regiment a mi, Gur Sevak Singh an kap hlum. Civil mi hliam tuar chu a bul hnaia sor≠kar damdawi-inah hruai nghal a ni.

Pakistan sipaite hian zing dar riat vel khan hmun pali an kap a, defence hmun bakah civil mite chenna pawh an kap tel a ni. India sipaite hian an lo kahlet bakah, ramri kaltlanga India-a rawn luh tumte an lo dang a ni.