Ramchhung Lawrkhawm

Srinagar-ah buaina chhuak thar leh

Jammu and Kashmir khawpui Srinagar-ah buaina a chhuah thar leh avangin nimin khan venhim hna thawk turin security force ṭhahnem tak duty tir an ni.

Rawlthar pakhat, Qaiser Sofi chu tura hrai hlum nia sawi a nih avangin Inrinni khan buaina hi a chhuak thar leh a ni. Sofi hi October 25 aṭang khan chin hriat loihn a bo a, ni ruk hnuah Shalimar bialah nikhaw hre loa a awm hmuh a ni a, damdawi-inah enkawl ni mah se a dam chhuak zo ta lo a ni. Tualchhung mi ṭhenkhat chuan Sofi hi tur in luih tir niin an sawi a, hei vang hian mipui lungawi lo ten buaina an chawk chhuak leh a ni.

Nimin khan Sofi vui a nih hnuah ṭhalai ṭhenkhat thinrim chuan secuity force-te chu lungin an tawng a, mipui thinrim hnawhdarh tumin security force-teín an nawr zui a, an innawr buaina vang hian mi 12 in hliam an tuar. Police-te chuan Sofi thih dan chungchangah Nishat Police Station-ah thubuai ziak lutin chhui chian mek a nih thu an sawi.

Delhi Police-te’n AAP MLA an man

Delhi Police-te chuan Delh-a rorellai, Aam Aadmi Party (AAP) MLA Rituraj Govind chu buaina chawk chhuakah puhin nimin khan an man.

West Delhi-a Kirari bialtu MLA, Govind hi ghat siam tuma buaina chawk chhuakah puh a ni. Kum 2015-a AAP sorkar a din aṭangin, AAP MLA 12-te chu man ni tawhin, MLA 15 chu thubuai siamsak an ni tawh bawk. Hemi chungchangah hian Delhi Chief Minister Arvind Kejrirwal-a chuan sorkar laipui chu na taka sawiselin, BJP kaihhruai sorkar laipui chu Delhi sorkar tibuai leh, tihchhiat tumah a puh. Rituraj Govind chuan Nithari Talaab bula ghat siam a tum chu Delhi sorkarin a senso a tumsak dawn tih a sawi chhungin, tualchhugn mite chuan lo dodalin an lo tibuai niin a sawi.

‘Incredible India’ mascot atan PM hmang dawn

Tourism Ministry-in ëIncredible Indiaí campaign a kalpui turah mascot atan Prime Minister Narendra a hmang dawn.

Mascot atana hman, Aamir Khan chu kumin kumtir khan ban a ni a, hemi hnu hian tun thlengin midang dah an la ni lo. Mascot atan hian Bollywood star dang hman an ni dawn nia sawi a nih hnuah, Prime Minister hi hman a ni dawn ta zawk a ni. Ministry chuan campaign-na atan hian PM Modi-aín India ram ropui zia a sawina chu chi hnih, video leh audio hmangin a tichhuak dawn a, footage tihchhuah tur hi a la thlang mek a, ni 40-45 hnuah tihchhuah hman a tum.