Ni thum chamin Britain PM a rawn zin

Britain Prime Minister Theresa May-i chu ni thum cham turin Pathianni zan khan India a rawn thleng a, ram hruaitute nen India leh UK inlaichinna ṭha leh nghet zawk siam dan turte an sawi ang.

Kumin July thlaa Britain PM atana lakluh a nih hnuah, May-i hian Europe pawn lam ram a tlawhna hmasa ber a ni. Nimin khan Prime Minister Narendra Modi nen inkawm≠in, India-UK Tech Summit a hawng bawk.

Theresa May-i chuan India chu UK ṭhianṭha leh thawhpui pawimawh ber a nih thu sawiin, sumdawnna kawngahte thawhdunna ṭha zawk a awm theihna turin an inhawng reng tih a sawi. Britain-a India mi awmte pawh an ram tana mi pawimawh tak takte an nih thu a sawi bawk. India nena an inlaichinna chu ram pahnihten an ṭhatpui ve ve theihna tura tinghet a duh thu sawiin, defence leh security lama thawhdun zel a duh thu te a sawi. May-i hi senior minister bakah sumdawng aiawh eng emaw zatin an ṭawiawm a ni. Vawiin hian Bengaluru-ah a kal dawn a, Karnataka Chief Minister Siddaramaiah kawmin, sumdawng aiawhte inkhawmah a telpui bawk ang.