Japan aṭangin aircraft dollar tld 1.5 man lei dawn

India chuan Japan aṭangin rescue aircraft 12, dollar tluklehdingawn 1.5 man a lei dawn niin Japan chanchinbu te chuan an tarlang. Heng aircarft hi Japan company, ShinMaywa Industries hnen aṭangin India chuan a lei dawn nia tarlan a ni.

Japan leh India hi kum hnih chuang zet chu aircraft lei dan tur chungchangah an lo inbe tawh a ni. An inremna hi ziahfel a nih chuan Japan Prime Minister Shinzo Abe-aín kum 50 zet ralthuam hralhchhuah khapna dan an lo hman tawh a hlih hnua, ralthuam an hralhchhuah lehna hmasa ber zinga mi a ni ang.

Defence Ministry chuan nimina Defense Acquisitions Council meeting-ah US-2 aircraft 12 leina tur hi a pawm rin a ni. Inremna hi Prime Minister Narendra Modi-aín Japan a tlawh hunah an ziahfel beisei a ni. PM hian Ningani hian Japan a tlawh dawn a, Inrinni thleng a cham ang.