DSP Devinder Singh leh midang 4 NIA kutah an dah

Jammu & Kashmir (J&K) deputy superin­tendent of police (DSP) suspend tak Devinder Singh leh he thubuaia inhnamhnawiha puh, midang 4-te chu nimin khan ni 15 chhung atan National Investigation Agency (NIA) kutah nimin khan an dah.

Ministry of Home Affairs (MHA) chuan January 16 khan DSP Singh thubuai hi chhui turin NIA chu a hriattir a ni. January 11 khan Hiz­bul Mujahideen firfiak pahnih J&K aṭanga tlan­chhuah tumte puia puh a nih avangin J&K police-te chuan Singh hi Sopian distirct-a Nazneenpora hmunah an man a, an man hnua police-te'n a in an dapnaah AK-47 rifle, pistol pahnih, grenade pahnih leh pawisa nuai chuang an man sak bawk.