NGT-in Covid-19 'waste' tihral dan enfiah turin ti

National Green Tribunal chuan nimin khan sorkar laipui leh  Central Pollution Control Board (CPCB) awm kawpna team chu Covid-19 enkawlna atana hmanrua hman ho, 'waste' chu science thiamna hmanga tihral a nih dan leh kalpui dan kawng enfiah turin a ti.

NGT Chairperson Justice Adarsh Kumar Goel kaihhruai bench chuan state leh union territory chief secretary-te chu an huamchhunga Covid-19 scientific storage, kenkual dan, kalpui dan leh Covid-19 'waste' tihral dante enfiah turin a ti a, Covid-19 'waste' chu mumal tak leh him taka tihral a ni em tih enfiah turin a ti a ni.

Bench chuan,"National level-ah chuan Ministry of Environment, Health, Urban Development, Jal Shakti, Defence leh CPCB high level task team-te chuan Covid-19 'waste' science thiamna hmanga tihral a nih dan hi an enfiah a ni," tiin an sawi.

State hrang hranga Department of Environment and pollution control board-te chu Biomedical Waste Management Rules, 2016 kalpui ngei tura hriattirin an hmalak dan chu CPCB hnena hriattir turin a ti bawk.

NGT chuan hripui leng mek chuan khawvel hmun hrang hrang a nghawng nasa zel tih leh thihpui an tam tawh thu tarlang telin , bawlhhlawh paihna pangngaia Covid-19 'waste' paih chu a hlauhawm hle tih an sawi a ni.