Axiom-4 Mission hlawhtling takin kap chhuak

Hun eng emaw ti chhung tih khawtlai a nih hnuah Axiom-4(Ax-4) mission chu nimin Nilaini khan Internation Space Station(ISS) a kal turin, NASA Kennedy Space Center, Florida aṭangin kah chhuah a ni ta. He mission-ah hian Indian astronaut Group Captain Shubanshu Shukla chu telin mission pilot a ni a, ISS-ah ni 14 chhung an cham dawn a ni.

Ax-4 Mission-ah hian team member pali awmin Commander Peggy Whitson, US; Mission Specialist Sławosz Uznanski-Wisniewski, Poland; leh Mission Specialist Tibor Kapu, Hungary mi te an tel. ISS thlen nan hian darkar 28 hun an hmang ang.

Mission-a kalte hian an tum ram ISS-a orbiting laboratory chu vawiin, June 26 hian an thlen fel hman beisei a ni. ISS-a an cham chhungin zirchianna hrang hrang an nei ang. Shukla hmaa van thengrenga India mi zin hnunhnug ber chu Rakesh Sharma niin, Soviet Union Soyuz spacecraft hmangin 1984 khan van boruakah a lo zin tawh a ni.