Covid-19 kaite enhrannain thihna a thlen thei : AIIMS director
Covid-19 kai leh an chhungte enhranna emaw thinhrik zawnga chetnain thihna a thlen phah thei a ni, tiin All India Institute of Medical Sciences (AIIMS) director Dr Randeep Guleria chuan a sawi.
India rama hri kai 90-95% chu enkawl dam leh an ni a, hri vanga thi hi mi 700 chuang an awm tawh a ni. Hri kai zinga thite hi an natna a zual hnuah chauh damdawi-in an pan ṭhin a, an natna hi miin an hriat an hlauh avangin damdawi-in an pan hreh ṭhin a ni. Hei vang hian nunna inchhan hman a har ṭhin a ni, tiin Dr Guleria chuan a sawi.
Dr Guleria chuan Covid-19 hri kai enkawl zinga 80% chu enkawlna pangngai pek an nih thu sawiin, 15% chu ngaihtuah ngai, oxygen pek mamawh an ni a ti thung. Chung zinga 5% erawh vantilator hman tir ngai khawpa hriin a fan chhuah tawhte an nih thu Dr Guleria chuan a sawi bawk.