PM-in E-Gramswaraj Portal a tlangzarh

Prime minister Narendra Modi chuan nimin khan National Panchayati Raj day pualin Gram Panchayat Development Plans rua­hmanna tur Mobile app E-Gramswaraj Portal a tlangzarh.

E-Gramswaraj Portal hi Gram Panchayat level-a digitization kalpuina tur kawng pawimawh takah ngaih a ni a, Prime Minister chuan rintlak zawkin thil kalpui a ni ngei em tih enfiahna tur a nih thu a sawi. 

PM Narendra Modi chuan Swamitva scheme pilot mode-in a tlangzarh bawk a, hemi hmang hian state paruka mihringin an luah chin ramte chu drone leh survey method thar ber hmangin a hriat theih dawn a ni. Modi chuan scheme chuan streamlined planning, property rights leh chhiah khawn dan chungchangah pawh nasa takin a pui dawn tih a sawi bawk. Hemi hmang hian loan a dil theih dawn bakah ram inchuhte pawh awlsam zawkin a chinfel theih dawn a ni.