Sabereka khuangkaihin a lak mi 5 ruang hmu

Himachal Pradesh-a Nilainia ruah baw hawk sur vanga sabereka khuangkaihin a lak, mi panga te ruang chu hmuh a ni. Chhiatna thlenna district pahnih Kangara leh Kullu district huam chhungah hian hriat theih chinah mi paruk chin hriat lohin an bo niin official te chuan an tarlang. Khualzin tangkhang 81 chu Manali aṭangin hmun him lamah hruai chhuah an ni bawk.

Ruang panga an hmuhte hi Kangara district-a hydro project site aṭanga bo niin, anni bakah Kullu district huam chhungah mi dang pathum zawn mek an nih thu chhanchhuah hna thawktute chuan an sawi.

Chhiatna thlengah hian chhanchhuah hna thawk tur in State Disaster Response Forces(SDRF), police leh home guard bakah National Disaster Response Force (NDRF) ten chin hriatloh a awmte zawn hna hi an thawk a ni.