Anna Hazare-a'n loneitute thlawpna lantir tum

Social activist leh anti-corruption crusader Anna Hazare chuan sorkar laipui farm law pathum siam thar duh lohna lantir mek, loneitute thil phut chu tihhlawhtlin a nih loh chuan nakkum January-ah nawrh huaihawt ve a tum. 

Hazare chuan sorkar laipui chu loneitute lungawi lohna chinfel tuma hma la tawk loah a puh a, an thil phutte hi a tihhlawhtlin sak loh chuan loneitute a thlawpna hi lantir a tum tih a sawi. Farm law thar sut tura phutin December 8 khan loneitu pawlte nawrh huaihawt rualin Hazare hian chaw ngheia nawrh a lo huaihawt ve tawh bawk. 

Thuchhuah siamin, Hazare chuan January thla aṭangin Delh-ah nawrh huaihawt ve a tum tih a awi a, mahse a ni tak erawh a la sawilang lo. Kum thum liam ta chhung khan loneitute tan nawrh a lo huaihawt fo tawh a, mahse sorkar lam chuan buaina chinfelna tur hian engmah hma a la duh lo tih a sawi a ni.