Jan 1 aṭangin Karnataka-ah school hawm tum

Karnataka education minister S Suresh Kumar chuan Thawhtanni khan an state-a class 10 leh 12 zirlaite chu nakkum January 1 aṭangin class pangngaia kaltir an ni dawn tih a sawi. 

Covid-19 hri leng vangin Karnataka-ah hian thla sarih vel chu school khar a ni tawh a ni. Nakkum January 1 aṭang hian class 6-9 zirlai tan Vidyagama programme chu state sorkar chuan a buatsaih dawn bawk a, he programme hnuaiah hian school campus-a class neih ṭhin tum a ni a, hei hi zirlaite hian an chhim thei dawn a ni.