WHO-in India chu Trachoma awm loh naah puang: PM Modi

Prime minister Narendra Modi chuan thlatina radio kaltlanga thu a sawi ṭhin, 'Mann Ki Baa' chu nimin khan hmang lehin World Health Oraganisation (WHO) chuan mit delna thlen thei natna chi khat, 'Trachoma' natna awm loh na ramah India-a puan thu a sawi. Nimina Mann Ki Baat programme hman hi a vawi 123-na a ni.

Prime Minister chuan he programme kaltlang hian ramchhunga thil thleng hrang hrang leh sorkar hmalakna pawimawh chungchangte a sawilang a, mipuite fuihna a ti chhuak bawk ṭhin.

WHO-in Trachoma awm lohnaa India puan a nih thu a tarlan bakah, ram mipui mi vaibelchhe 95 te chuan social security scheme leh a kaihhnawih dang aṭangin hlawkna an tel tawh thu a sawi. Kum 2015 hmalamah kha chuan mi vaibelchhe 25 aia tlemin heng scheme aṭanga hlawknate hi an hmu pha a ni, a ti. International Labour Organisation (ILO) report chungchang pawh sawiin, ram mipui zawng zawng aṭanga 64% chuan social protection aṭangin hlawkna a tel bawk tih a tarlangin hei hi khawvel huap pawha huam zau ber a nih thu a sawi.

PM Modi chuan1975 June 25-a hetih laia prime minister Indira Gandhi kaihhruai sorkarin 'State of Emergency' a puan, thla 21 lai awh chungchang pawh a sawi chhuak bawk. Emergency puan vang hian ramchhungah eptu pawl politcal party hruaitute man niin, vantlang zalenna a chep a,thuthar lakhawmtute chenin hma la thei lo leh man hialte an tawk niin a sawi. Congress beiin, mipui hnenah hrehawmna nasa tak a thlen niin a tarlang.