US-a dan loa chambang awm te'n a mawh an phur ang: US Embassy

India-a US embassy chuan tupawh dan lo a US-a cheng leh visa in a huam chin aia rei awmte chuan a ngawng theih thil zawng zawngah mawh an phur dawn tih Inrinni liamta khan a tarlang. US dan bawhchhia chu dan hmangin an chungah na taka hmalak a nih tur thu X-ah a sawi.

US sorkar chuan an rama dan loa pem lutte dap chhuah leh thawn kir beihpui a thlak mek a, India mi leh sa dan lo a pem lut awm pawh eng emaw zat thawnkir an lo ni tawh a ni.

US embassy hian Inrinni liamtaa thuchhuah a siam hma pawh hian visa leh dan loa pem chungchangah vawi eng emaw zat hriattirna a lo ti chhuak tawh a ni. Hemi rual hian dan ang thlapa US a zin leh pemte chu an lo lawm thu sawiin, dan pal zut leh phal loh anga awm laka hmalak a nih zel tur thu an tarlang.

US hian tun hnaiah visa dil dan phung pawh ti danglamin, visa diltute chuan an social media account-a an hming hman te chu ziah lan zel a ngai tawh a ni. Hengte hi dan lo a pem lut awm ṭhin venna tur leh, US sorkar duh loh zawng thilah an lo in hnamhnawih tawh em tih an enfiah theihna tur atana tih a ni.