Ladakh-a thingtlang khaw 52-te 'reserve area' ah puang

Ladakh Union Territory-a Line of Actual Control (LAC) huam chhunga thingtlang khaw 52-te chu 'reserve area' ah puan a nih thu Pathiannia sorkar thuchhuah chuan a tarlang. Heng khuaa chengte hian hna lakna leh sector hrang hrangah reservation quota an hmang thei dawn a ni.

Hriattirna tih chhuaha reserve area-a puante hi Leh district-a thingtlang khua, revenue village 18 leh Kargil district-a revenue village 34 te an ni. Heng khuaa chengte hian Ladakh Reservation (Amendment) Regulation, 2025 hnuaiah sorkar hna lakna leh sector dangah pawh reservation quota hmangin an dil thei dawn a ni.

Member pakhat Justice Bansi Lal Bhat awmna commission chu Ladakh-a ramri hrula awm khua leh bialte enfiah a, reservation pek theih tur chin thliar turin ruat a ni, nikum December thla khan thuneitute hnenah report hi a thehlut a ni. A report hi internal committee in a lo zirchian leh hnuah, report-a reserve area-a puan tura a rawtte chu pawmsak a ni ta a ni.