Ram 5 tlawh turin PM Modi a zin dawn

Prime minister Narendra Modi chu vawiin, July 2 aṭang hian ram panga Ghana, Trinidad and Tobago, Argentina, Brazil, leh Namibia tlawh turin a zin chhuak dawn a, July 9 thleng a thang ang. Ṭum khata ram danga tlawha a thang chhuah rei ber ṭum a ni ang.

Prime Minister hian a ram tlawh hrang hrangah hian defence huanga thawh hona neih dante a sawipui dawn a, hei bakah India nena kawng hrang hranga inlailchinna leh thawh dunna neih dan turah inbiakna a neihpui dawn bawk a ni. Ram panga a tlawhnaah hian defence, rare earth mineral, firfiak pawl beih letna, south-south thawh hona chungchangte chu a thlur bing bik dawn nia sawi a ni.

Modi hian Ghana ram a tlawh hmasa dawn a, heta ṭang hian Trinidad and Tobago a pan ang. July 5-8 chhung Brazil-a BRICS summit neih turah pawh a tel nghal dawn a ni. PM Modi hi kum 1999 hnua India Prime Minister zinga Trinidad and Tobago tlawh hmasa ber tur niin, Argentina president Javier Gerardo Milei nen pawh meeting tluantling an neihna hmasa ber tur a ni bawk a, a hmain event hrang hrang neih kar lakah chuan an lo inhmu tawh ṭhin a ni.